Tollite hostias, et adorate Dominum in atrio sancto eius.	שְׂאוּ-מִנְחָה וּבֹאוּ לְחַצְרוֹתָיו. הָבוּ לַיהוָה כְּבוֹד שְׁמוֹ.			Bring offerings, and adore the Lord in his holy place.
Laetentur coeli, et exultet terra	יִשְׂמְחוּ הַשָּׁמַיִם וְתָגֵל הָאָרֶץ			Rejoice, heaven, and exult, all the earth,
a facie Domini, quoniam venit.	לִפְנֵי יְהוָה כִּי בָא			before the Lord, for he comes.
Alleluia.	הללויה			Alleluia.
		תהילים פרק צו
	שִׁירוּ לַיהוָה כָּל-הָאָרֶץ.	שִׁירוּ לַיהוָה, שִׁיר חָדָשׁ	א
	בַּשְּׂרוּ מִיּוֹם-לְיוֹם יְשׁוּעָתוֹ.	שִׁירוּ לַיהוָה בָּרְכוּ שְׁמוֹ	ב
	בְּכָל-הָעַמִּים נִפְלְאוֹתָיו.	סַפְּרוּ בַגּוֹיִם כְּבוֹדוֹ	ג
	נוֹרָא הוּא עַל-כָּל-אֱלֹהִים.	כִּי גָדוֹל יְהוָה וּמְהֻלָּל מְאֹד	ד
	וַיהוָה שָׁמַיִם עָשָׂה.	כִּי כָּל-אֱלֹהֵי הָעַמִּים אֱלִילִים	ה
	עֹז וְתִפְאֶרֶת בְּמִקְדָּשׁוֹ.	הוֹד-וְהָדָר לְפָנָיו	ו
	הָבוּ לַיהוָה כָּבוֹד וָעֹז.	הָבוּ לַיהוָה מִשְׁפְּחוֹת עַמִּים	ז
	שְׂאוּ-מִנְחָה וּבֹאוּ לְחַצְרוֹתָיו.	הָבוּ לַיהוָה כְּבוֹד שְׁמוֹ	ח
	חִילוּ מִפָּנָיו כָּל-הָאָרֶץ.	הִשְׁתַּחֲווּ לַיהוָה בְּהַדְרַת-קֹדֶשׁ	ט
	אַף-תִּכּוֹן תֵּבֵל בַּל-תִּמּוֹט   יָדִין עַמִּים בְּמֵישָׁרִים.	אִמְרוּ בַגּוֹיִם יְהוָה מָלָךְ	י
	יִרְעַם הַיָּם וּמְלֹאוֹ.	יִשְׂמְחוּ הַשָּׁמַיִם וְתָגֵל הָאָרֶץ	יא
	אָז יְרַנְּנוּ כָּל-עֲצֵי-יָעַר.	יַעֲלֹז שָׂדַי וְכָל-אֲשֶׁר-בּוֹ	יב
	כִּי בָא לִשְׁפֹּט הָאָרֶץ	לִפְנֵי יְהוָה כִּי בָא	יג
	וְעַמִּים בֶּאֱמוּנָתוֹ.	יִשְׁפֹּט-תֵּבֵל בְּצֶדֶק