Henry Walford-Davies (1869-1941)

Psalm 121 - I will lift mine eyes unto the hills

	תהילים פרק קכא

א	שִׁיר, לַמַּעֲלוֹת
	אֶשָּׂא עֵינַי אֶל-הֶהָרִים	מֵאַיִן יָבֹא עֶזְרִי.
ב	עֶזְרִי מֵעִם יְהוָה	עֹשֵׂה שָׁמַיִם וָאָרֶץ.
ג	אַל-יִתֵּן לַמּוֹט רַגְלֶךָ	אַל-יָנוּם שֹׁמְרֶךָ.
ד	הִנֵּה לֹא-יָנוּם וְלֹא יִישָׁן	שׁוֹמֵר יִשְׂרָאֵל.
ה	יְהוָה שֹׁמְרֶךָ	יְהוָה צִלְּךָ עַל-יַד יְמִינֶךָ
ו	יוֹמָם הַשֶּׁמֶשׁ לֹא-יַכֶּכָּה	וְיָרֵחַ בַּלָּיְלָה.
ז	יְהוָה יִשְׁמָרְךָ מִכָּל-רָע	יִשְׁמֹר אֶת-נַפְשֶׁךָ.
ח	יְהוָה יִשְׁמָר-צֵאתְךָ וּבוֹאֶךָ	מֵעַתָּה וְעַד-עוֹלָם.